Մասնավոր հատվածի աշխատողների կեսն առանց աշխատանքի են՝ հերթեր կաթնամթերքի, ձվի և կանխիկ գումարի համար
- 12:05 21.07.2023
Արցախում հումանիտար ճգնաժամի սրման հետ մեկտեղ հերթերն ավելանում են, թեև ապրանքների տեսակները, որոնց համար մարդիկ ժամերով կանգնում են, արագորեն նվազում են։
Այսօր մեծ հերթեր են միայն հացի փռերի մոտ, կաթնամթերքի գործարանի, ձվի համար և բանկոմատների դիմաց։ Խանութներում հերթեր չկան, քանի որ վաճառասեղանները դատարկ են։
Արցախի կառավարությունը նշում է, որ վառելիքի սղության պատճառով հացաբուլկեղենը և կաթնամթերքը չեն կարող համակարգված բաշխվել մանրածախ առևտրի կետերին, ուստի մարդիկ գալիս են արտադրության վայր։
Բանկոմատների մոտ հերթերը կապված են այն բանի հետ, որ ճգնաժամի մեջ գտնվող մարդիկ վախենում են բանկերում գումար թողնել և կանխիկ գումարի պակաս զգան, ուստի հակված են կանխիկացնել իրենց աշխատավարձերը կամ թոշակները։
Ստեփանակերտի բնակիչ, տնտեսագետ Մ.Գրիգորյանը կարծում է, որ եթե առևտուրն իրականացվեր անկանխիկ, ապա մարդիկ չէին գնա գումար հանելու, և բանկոմատներում նման հերթեր չէին լինի։
«Շրջափակման սկզբում փորձեր արվեցին խանութներում անկանխիկ քարտով վճարումներ մտցնել։ Շատ հարմար էր։ Բայց հետո ինչ-որ կերպ անհետացավ: Ըստ ամենայնի, մեր առևտրի ոլորտը միայն կանխիկ գումար է ուզում»,- ասաց կինը։
Ստեփանակերտի բնակիչ Է.Սարգսյանի կարծում է, որ հացի արտադրամասերը կարող են կազմակերպել հացի առաքումը իրենց մոտ գտնվող խանութներին, թեկուզ փոքր քանակությամբ, այդ դեպքում հացի հերթերն ավելի քիչ կլինեն։
Իսկ կաթնամթերքի և ձվի հետ կապված, երկու երեխաների մայր Նունե Գ.-ն կարծում է, որ իրավիճակը շատ լուրջ է. կաթնամթերքը արտադրվում է մեկ գործարանում, և միշտ չէ, որ հերթում բոլորին հասնում է արտադրանքը: Նույն պատմությունը ձվի վաճառքի հետ ՝ կապված՝ շրջափակման ժամանակ փակվել են թռչնաֆաբրիկաները։
Արցախի կառավարության տեղեկատվական շտաբի տվյալներով՝ վերջին 7 ամիսներին Արցախի 860 տնտեսվարող սուբյեկտներ (ընդհանուրի 20.1%-ը) դադարեցրել են իրենց գործունեությունը շրջափակման մեջ աշխատելու անհնարինության պատճառով, իսկ մնացած տնտեսվարողներն աշխատում են մասնակի կամ պետական աջակցությամբ։ 11,000 մարդ (ներառյալ կառավարության կողմից աջակցվող ժամանակավոր զբաղվածությունը) կորցրել են իրենց իրական աշխատանքը և եկամուտը շրջափակման և կենսական ենթակառուցվածքների ոչնչացման պատճառով, ինչը ներկայացնում է մասնավոր հատվածի աշխատողների ավելի քան 50 տոկոսը:
