Ի՞նչ է ուզում փոխել Սրբազանը, և ի՞նչ կապ ունի դրա հետ Արա Աբրահամյանը

«Հանուն հայրենիքի» շարժման ձեւաչափի փոփոխությունը նշանակում է, որ տակտիկան այլ կլինի, գործողություններն այլ կլինեն, պայքարի ավանդական միջոցները կփոխվեն նաեւ մարդկանց ներգրավվածության եւ նոր անձանց առկայության տեսակետից։ Այս մասին հունիսի 15-ին լրագրողների հետ զրույցում ասել է շարժման ղեկավար, արքեպիսկոպոս Բագրատ Գալստանյանը։

Կառավարող կուսակցության հայտարարությունն այն մասին, որ հունիսի 17-ին պատրաստվում են բոյկոտել նիստը, որպեսզի քվորում չապահովվի, հակաօրինական է։ Դա մեկ անգամ եւս վկայում է այն մասին, որ նրանց հեռանալն անհրաժեշտ է, քանի որ նրանք իրենց օրենքից վեր են դասում,- ասել է Գալստանյանը։

Նա նշել է, որ ձեւաչափի փոփոխությունը կկրի ավելի համաժողովրդական բնույթ։

Գալստանյանը վստահություն է հայտնել, որ շարժումը կհասնի իր նպատակներին, եւ ոչ միայն իշխանափոխության մասին։

«Իշխանափոխությունը  ընդամենը միջոցներից մեկն է։ Խոսքը քաղաքակրթականի, արժեքայինի, զարգացման եւ հաշտեցման մասին է։ Դրանք այն հասկացություններն են, որոնք հանվել են մեր բառապաշարից։ Ուստի մենք դուրս ենք եկել փողոց։

Արցախը հանձնելով՝ հանձնեցին ոչ միայն հողը, այլեւ պատիվը։ Այժմ ոչ մի սահմանազատում չկա, այլ կա հայրենիքի հանձնում։ Դա դարձավ վերջին կաթիլը, որը մեզ դրդեց դուրս գալ հրապարակ այն ըմբռնմամբ, որ լուծումը գտնվում է Երեւանում, որտեղ նստած է չարիքը»,- ավելացրել է շարժման առաջնորդը։

Մենք պետք է օգնենք «Հանուն հայրենիքի» շարժման առաջնորդ, արքեպիսկոպոս Բագրատ Գալստանյանին կատարել իր առաքելությունը։ Այս մասին «Արարատյան դաշինքի շուրջ» համաժողովի ժամանակ հունիսի 15-ին ասել է Ռուսաստանի հայերի միության նախագահ Արա Աբրահամյանը։

«Արցախի հարցը փակված չէ, մենք պետք է աշխատենք միասին։ Պետք է հարց տանք այն մասին, թե ինչ է անում մեզանից յուրաքանչյուրը։ Մենք ակտիվորեն բարձրացնում ենք խնդիրները ՄԱԿ-ի, ՅՈւՆԵՍԿՕ-ի մակարդակով։ Մենք պետք է խոսենք գերիների եւ Բաքվում անօրինաբար ձերբակալված Արցախի ղեկավարների մասին։ Մեզ համար Արցախը կա եւ պահպանվում է։

Ես խոսել եմ երկրի ղեկավարի հետ։ Նա ասել է, որ բարձրացրել է հարցը, բայց արդյունք չկա։ Այն, որ հարցը տեղից չի շարժվում, վկայում է պետության եւ իշխանության թուլության մասին»,- ընդգծել է ՌՀՄ ղեկավարը։

Նրա գնահատմամբ՝ իշխանությունների գործունեության հետեւանքով սփյուռքը եւս վարկաբեկվում է։

«Այստեղ եւս պառակտում են մտցրել, սփյուռքահայերին հանել մեկը մյուսի դեմ։

Հավանաբար, մենք վատ ենք տեղեկացնում այդ մարդկանց այն մասին, որ տեղի ունեցողը կհանգեցնի Հայաստանի վերջին, երկիրը կորցնում է իր անվտանգության համակարգը, հողեր են հանձնվում, ստորագրվում է մի ինչ-որ խաղաղության պայմանագիր։ Իշխանությունը ոչ մի խոստում չի կատարել։ Ստացվում է, որ պետք է նրանց ասածի ճիշտ հակառակը հասկանալ։ Մենք պետք է սկսենք նոր Հայաստանի կառուցումը։

«Մեր հասարակությունում առաջ են գալիս արդարացի հարցեր ռուսական խաղաղապահ զորակազմի դերի եւ առաքելության վերաբերյալ։

Այս մասին «Արարատյան դաշինքի շուրջ» համաժողովի ժամանակ հունիսի 15-ին ասել է Արցախի խորհրդարանի նախագահ Աշոտ Ղուլյանը։

Մենք չենք կարող հերքել Արցախի շրջափակման ժամանակ մեզ ցուցաբերված օգնությունը, բայց եւ հարց է մնում այսպես կոչված հակաահաբեկչական գործողության անցկացման հնարավորության հարցը, որը հայտնվեց Ադրբեջանում»,- նշել է նա։

Նրա գնահատմամբ՝ Արցախի ժողովրդի հայրենիք վերադառնալու իրավունքի հարցը պետք է մնա միջազգային հանրության ուշադրության կենտրոնում։

«Այդ թեզը վերաբերում է առաջին հերթին ԵԱՀԿ ՄԽ համանախագահող երկրներին։ Պատահական չէ, որ ադրբեջանական դիկտատորը թիրախավորվել է հենց ԵԱՀԿ ՄԽ համանախագահության դեմ»,- ավելացրել է Ղուլյանը։

Նա հիշեցրել է, որ Արցախի տարածքում շարունակվում է հայկական ժառանգության հոգեւոր եւ մշակութային ցեղասպանությունը։ Խորհրդարանի խոսնակը նշել է հայ գերիների, այդ թվում Արցախի ղեկավարների վերադարձի կարեւորությունն այդ երկու հարցերի լուծման տեսակետից։

«Պետական աջակցության բացակայությունը նրանց վերադարձի հարցում նվազեցնում է միջազգային ջանքերի արդյունավետությունը։ Բոլորը խոսում են այդ խնդրի մասին՝ Հայաստանի պաշտոնական կառույցներից բացի։ Այդ պարադոքսը անհնար է բացատրել»,- ասել է նա։