Ռուսաստանում զինծառայության խելահեղ արշավ է գնում՝ եկար ինքդ, բեր ընկերոջդ
- 15:45 23.09.2024
Ռուսաստանը «խելահեղ արշավ» է սկսել Ուկրաինայի դեմ պատերազմի համար կամավորներ հավաքագրելու համար, քանի որ ռազմաճակատում կա կենդանի ուժի պակաս: Կրեմլը դեռ վախենում է նոր մոբիլիզացիայի մասին հայտարարել։
Ռուսական հայտնի «ВЧК-ОГПУ» Telegram ալիքը, որը, ենթադրաբար, կապված է Ռուսաստանի Դաշնության հատուկ ծառայությունների հետ, խոսել է ռուսների զանգվածային հավաքագրման մասին, հայտնում է Dialog.UA-ն։
Նրա խոսքով, ամբողջ Ռուսաստանը լցվել է «խելահեղ արշավով» զինծառայության հավաքագրելու համար։ Ռուսներին պատերազմի են կանչում հեռուստատեսությունը և այլ լրատվամիջոցները, փողոցներում բոլոր տեսակի գովազդային հարթակները և նույնիսկ մետրոյի անցագրեր վաճառող մեքենաները։ Բացի այդ, ամենամատչելի վայրերում հերթապահում են զինկոմիսարիատների աշխատակիցները, որոնք մարդկանց հրավիրում են պայմանագիր կնքելու։
Այն քաղաքացիներին, ովքեր կհամաձայնեն մասնակցել այսպես կոչված «СВO»-ին, խոստանում են ռուսական չափանիշներով հսկայական վճարումներ և այլ բոնուսներ։ «Բացի այդ, արդեն ռազմաճակատ մեկնածների հաղորդագրությունների համաձայն, որոշ շրջանների հրամանատարները «նախաձեռնում են» ակցիա. եկար դու, բեր ընկերոջդ:
Պայմանագիր կնքած զինծառայողի, ով մեկ այլ մարդուն համոզել է գնալ կռվելու, կարող են երկար սպասված արձակուրդ տալ, նույնիսկ պարգեւատրում են խոստանում»,-ասել է ռուսական ռեսուրսը։