«Եռաբլուրում» տեղի ունեցավ «Արցախի կանչը» հուշակոթողի հիմքի օծման՝ հիմնարկեքի արարողությունը
- 12:04 24.09.2024
«Եռաբլուր» զինվորական պանթեոնում այսօր տեղի ունեցավ «Արցախի կանչը» հուշակոթողի հիմքի օծման՝ հիմնարկեքի արարողությունը: Հուշակոթողը կամփոփի Արցախյան բոլոր նահատակների, Արցախում բոլոր հուղարկավորվածների և սեպտեմբերի 25-ին Պաշտպանության բանակի վառելիքի պահեստի ողբերգական պայթյունի հետևանքով զոհվածների հիշատակը:
Հուշակոթողը կառուցվելու է Արցախի նախագահ Սամվել Շահրամանյանի նախաձեռնությամբ։
Ճարտարապետները արցախցի են, նրանցից Միքայել Սարգսյանն ասաց, որ «Արցախի կանչը» հնարավորինս նման է լինելու Ստեփանակերտի հուշահամալիրին։
Հուշակոթողի կառուցման աշխատանքները կհամակարգի Արցախի ՆԳ նախարար Կարեն Սարգսյանը։ Կառուցման աշխատանքները ֆինանսավորողը արցախցի է, ով չի ցանկացել, որ իր անունը հրապարակվի։
