Հայաստանն այդքան էլ շահագրգռված չէ, որ ԵՄ դիտորդնրի մանդատը երկարացվի

«Եվրոպական միության քաղաքացիական առաքելությունը Հայասանում զբաղվում է այն գործունեությամբ, որով օժտված է ԵՄ համապատասխան որոշմամբ, այդ մանդատից դուրս գալ չի կարող։ Որքանով ես տեղեկացված եմ՝ Եվրոպական միությունը լրջորեն դիտարկում է այսօր արդեն այդ առաքելության մանդատի երկարաձգման հարցը»,- Ազգային ժողովում ասաց ԱԳ նախարար Արարատ Միրզոյանը՝ անդրադառնալով ԵՄ դիտորդական աքառելության վերաբերյալ Ադրբեջանից հնչող հայտարարություններին։

«Քանի դեռ մենք չունենք ստորագրված, վավերացված խաղաղության պայմանագիր Ադրբեջանի հետ, քանի դեռ չունենք ավարտված սահմանազատման գործընթաց, երկարատեւ կայունություն, մենք ունենք մտավախություններ Ադրբեջանի հավանական գործողությունների վերաբերյալ։ Եվ ըստ այդմ էլ մենք ունենք չեզոք երրորդ կողմի կարիք, ինչպիսին է ԵՄ դիտորական առաքելությունը։ Մենք կարիք ունենք օբյեկտիվ գնահատականների, սահմանի երկայնքով մշտադիտարկման եւ կեղծ լուրերի փարատման»,- ասաց Միրզոյանը։

Մենք շնորհակալ ենք ԵՄ դիտորդների քաղաքացիական առաքելությանը, այն երկրներին, որոնք այդ առաքելությունն այստեղ գործուղել են եւ հույս ունենք, որ առնվազն մինչեւ խաղաղության պայմանագիր կնքելը այդ դիտորդները այստեղ կլինեն: Այս մասին ասել է նաւ Ալեն Սիմոնյանը:

«Հաճախ էր լինում, որ Ադրբեջանը հայտարարում էր, որ հայկական կողմը զորքեր է շարժում կամ պատրաստվում է հարձակումների, այդ եվրոպական դիտորդները գալիս են եւ արձանագրում են, որ այդպես չէ: Հետո կապրենք կտեսնենք, հետո գուցե դրա կարիքը չլինի»,-ասաց նա:

Ավելի վաղ Ալիևի օգնականի հայտարարել է, որ ԵՄ դիտորդները պետք է լքեն Հայաստանը սահմանազատման հանձնաժողովների աշխատանքի կանոնակարգի ստորագրումից հետո։

ՀՀ իշխանությունները, փաստորեն, խոստովանում են, որ հենց ինչ-որ “պայմանագիր” ստորագրվի, այդ թվում՝ Կանոնակարգը, եւ ԵՄ դիտորդների կարիքն այլեւս չի լինի։ Կարելի է նկատել, որ Հայաստանը շահագրգռված չէ, որ ԵՄ դիտորդների մանդատը երկարացվի։ Հատկապես, որ նրանց դուրս բերումը Բաքուն եւ Մոսկվան որպես “խաղաղության” պայման են առաջադրել։ Արդյո՞ք Հայաստանը դիմել է ԵՄ-ին՝ մանդատը երկարացնելու համար։