Հայաստանի ԱԳՆ անհասկանալի քայլերը
- 22:00 23.12.2024
Հայաստանը և Կոսովոն համաձայնություն են ձեռք բերել փոխադարձաբար նախատեսել միմյանց կողմից տրամադրվող անձնագրերով մուտքի վիզայի համար դիմելու հնարավորություն, «Ազատության»-ը փոխանցեցին Արտգործնախարարությունից։
Ավելի վաղ Կոսովոյի արտաքին գործերի և սփյուռքի նախարարի տեղակալ Կրեշնիկ Ահմետին X-ում գրել էր, որ Հայաստանը պաշտոնապես ճանաչել է Կոսովոյի անձնագրերը, այդ թվում՝ հանրային, դիվանագիտական և ծառայողական։
ԱԳՆ-ից շեշտեցին, որ աշխարհի բազմաթիվ երկրներ, այդ թվում և մի շարք ԵՄ անդամ պետություններ, ճանաչում են Կոսովոյի անձնագրերը և ոլորտային համագործակցություն ունեն Կոսովոյի հետ՝ առանց ճանաչման: Եւ Երեւանը բացառություն չէ։
Կոսովոն Սերբիայից անկախություն է հռչակել 2008 թվականին։ Պրիշտինայի անկախությունը ճանաչել են ավելի քան 100 պետություններ, այդ թվում՝ ԱՄՆ-ն, Մեծ Բրիտանիան և Եվրամիության բազմաթիվ երկրներ։ Սակայն, մի շարք երկրներ, այդ թվում՝ Սերբիան, Ռուսաստանը, Չինաստանը, չեն ճանաչում Կոսովոյի անկախությունը։
Մի քանի ամիս առաջ Հայաստանը հանկարծակի ճանաչեց Պաղեստինի անկախությունը, զուգահեռ հայտարարելով, որ Արցախի հարցը չի շոշափվի “խաղաղության” պայմանագրի մեջ։
Հիմա Հայաստանին մնում է ճանաչել Սիրիայի նոր թուրքամետ կառավարությունը։