3+3(2) Թեհրանում. Իրանը փորձում է իրեն ապահովագրել Իսրայելի պատերազմի ֆոնին
- 09:11 23.10.2023
Իսրայելա-պաղեստինյան պատերազմը, ըստ որոշ վերլուծաբանների, ուղղված է Պաղեստինի հարցը օրակարգից «հանելուն», այնպես, ինչպես «լուծվեց» ղարաբաղյան խնդիրը՝ շրջափակում, ռազմական հարվածներ, բնիկ բնակչության տեղահանում և «տարածքի իրավունքի» ճանաչում այն պետության կազմում, որը կընտրի միջազգային կոնսենսուսը։ Այս “կոնսենսուսը” ներառում է նաեւ Հայաստանի ներկայիս իշխանությունը։
Արցախի հարցում կոնսենսուսն ակնհայտ էր՝ թե՛ շրջափակման շուրջ ՄԱԿ-ի նիստի ժամանակ, թե՛ հետո, երբ պարզ դարձավ, որ սեպտեմբերի 17-ին՝ Արցախի դեմ ագրեսիայից երկու օր առաջ, Պոլսում հավաքվել էին Ռուսաստանի, ԱՄՆ-ի և ԵՄ-ի ներկայացուցիչները։ Այս ուժերը խոսել են բացառապես արցախահայության «մարդասիրական խնդիրների» մասին՝ չճանաչելով նրանց նախնիների հողում ապրելու իրավունքը։
Այժմ ԱՄՆ-ն և ԵՄ-ն միաձայն խոսում են պաղեստինցիների մարդասիրական իրավունքների մասին և օգնում Իսրայելին արաբներին Գազայից վտարելու հարցում։
Ռուսաստանի հետ մեկտեղ Իսրայելը շահառու է Արցախի, հատկապես Իրանին սահմանակից տարածքի օկուպացիայից։ NEWS.am-ի հետ զրույցում Հայ ազգային կոնգրեսի փոխնախագահ Լեւոն Զուրաբյանը հայտարարեց.
«Իսրայելը «Երկաթե գմբեթ» համակարգը տրամադրել է միայն Ադրբեջանին և ոչ մեկին։ Որովհետև այս համակարգը պետք է պաշտպաներ Մինգեչևիրը 44-օրյա պատերազմի ժամանակ հասցված հարվածներից, բայց այդ հարվածները չհասան թիրախին։ Բացի այդ, Իսրայելը տրամադրել է անօդաչու թռչող սարքեր, Հայաստանի ճշգրիտ թվային քարտեզներ և Lօra բարձր ճշգրտության հրթիռներ։
Բայց Իսրայելին ինչի՞ն էր պետք Ադրբեջանի հաղթանակը։ Որպեսզի Ադրբեջանը դառնա Իրանի վրա հարձակումների ցատկահարթակ։ Իսրայելը հաշվարկը կատարել է ոչ միայն Իրանին Ադրբեջանի աշխարհագրական մոտիկությունից ելնելով, այլեւ հաշվի առնելով Իրանում բնակվող բազմամիլիոնանոց ադրբեջանցի բնակչությունը։ Արևմուտքը վաղուց է պլանավորում ադրբեջանական անջատողականություն իրականացնելով Իրանը պայթեցնել ներսից»,- հավելեց Զուրաբյանը։
Իրանը անմիջապես ներգրավված չէ պաղեստինյան պատերազմի մեջ, թեև բոլորը հասկանում են, որ Հայաստանի հետ մեկտեղ կոնսենսուսի «զոհ» է ընտրվել նաև Իրանը։ Իրանը բազմիցս ճանաչել է Ադրբեջանի «տարածքային ամբողջականությունը»՝ չպաշտպանելով Ղարաբաղին։ Այժմ Իրանը նախաձեռնել է արտգործնախարարների հանդիպում 3+3 ձևաչափով (Վրաստանը մերժել է, ինչը նշանակում է, որ կլինի 3+2)։ Պաղեստինի պատերազմի ֆոնին Իրանը փորձում է պաշտպանվել Ադրբեջանից և Ռուսաստանից, որոնք արդեն պատրաստ են խայթել իր տարածքը։
Իսրայելն արդեն ասել է, որ պատերազմը կարող է տևել ամիսներ և դեռ չի հայտարարել Գազայում ցամաքային գործողության մասին: Թերևս Իսրայելը սպասում է օկուպացված Նախիջևանում և Արցախում այսօր մեկնարկող «թուրք-ադրբեջանական զորավարժությունների» արդյունքներին, որոնք «ուղղված» են և՛ Հայաստանի, և՛ Իրանի դեմ։
Հնարավոր է, որ միաժամանակ Կիպրոսում սկսվի բնիկ բնակչության արտաքսման օպերացիան։ Էրդողանը պատրաստվում է «Թուրքիայի Հանրապետության 100-ամյակին».