ԵՄ դիտորդները Սիսիանի օդակայանում են՝ դեպի Լաչինի միջանցք ծրագրվող պարեկության համար
- 12:55 21.06.2023
Հայաստանում ԵՄ առաքելության ղեկավար Մարկուս Ռիտերը և Հայաստանում եվրամիության դեսպան Անդրեա Վիկտորինը Սիսիանի օդակայանում ողջունել են Եվրոպական խորհրդարանի պաշտպանության հարցերով ենթահանձնաժողովի նախագահ Նատալի Լուազոյին և SEDE (Եվրոպական խորհրդարանի Անվտանգության և պաշտպանության ենթահանձնաժողով) պատվիրակությանը։
Ըստ առաքելության թվիթերյան էջի՝ նրանք այստեղ են՝ միանալու ԵՄ քաղաքացիական առաքելության թիմին՝ դեպի Լաչինի միջանցք ծրագրվող պարեկության համար: Այդ մասին հայտնում ե Ազատությունը։
Երեկ Լուազոն հանդիպել է վարչապետ Նիկոլ Փաշինյանի հետ։ Ընդծելով, որ Ադրբեջանը շարունակում է ագրեսիվ հռետորաբանությունն ու հրադադարի ռեժիմի խախտման գործելաոճը, ինչը ավելացնում է լարվածությունը տարածաշրջանում՝ Փաշինյանը կարևորել է միջազգային փաստահավաք առաքելության մուտքը Լաչինի միջանցք և Լեռնային Ղարաբաղ:
Իր հերթին, Նատալի Լուազոն ընդգծել է տարածաշրջանում խաղաղություն և կայունություն ապահովելու, ինչպես նաև լարվածության ռիսկերը նվազեցնելու քայլերի անհրաժեշտությունը: