Կարմիր խաչը հույս ունի վերականգնել գուծունեությունը Բերձորի միջանցքում

«Հունիսի 15-ին ԿԽՄԿ-ն ծրագրում էր հիվանդներին տեղափոխել Հայաստան՝ Լաչինի միջանցքով բուժման նպատակով, սակայն լարված իրավիճակի մասին հաղորդումներից հետո որոշեց վերադառնալ»,- ասել է ԿԽՄԿ Արցախի տեղեկատվական բաժնի ղեկավար Էթերի Մուսայելյանը Step1.am-ին։

Նրա խոսքով, «դա արվել է հաշվի առնելով ԿԽՄԿ-ի պատասխանատվությունը հիվանդների և անձնակազմի նկատմամբ»:

Նշենք, որ հունիսի 15-ին Ադրբեջանն արգելել է մարդասիրական բոլոր փոխադրումները դեպի Արցախ և հակառակ ուղղությամբ։ Անցյալ տարվա դեկտեմբերի 5-ի շրջափակման սկզբից մինչ այսօր Կարմիր խաչի միջազգային կոմիտեի միջնորդությամբ Արցախից Հայաստան է տեղափոխվել համապատասխան բուժում ստանալու համար 492 հիվանդ, ռուս խաղաղապահների ուղեկցությամբ՝ 70 հիվանդ։

«Մենք շարունակում ենք ուշադիր հետևել իրավիճակին և կապի մեջ ենք նրանց հետ, ովքեր որոշումներ են կայացնում։ Հենց իրավիճակը թույլ տա, հույս ունենք վերսկսել մեր գործունեությունը»,- այսօր ասաց Մուսայելյանը։