ԵՄ-ը խիստ մտահոգիչ է համարում Լաչինի միջանցքի «գրեթե ամբողջական շրջափակումը»
- 20:57 23.06.2023
Եվրամիությունը խիստ մտահոգիչ է համարում հուլիսի 15-ից Լաչինի միջանցքի «գրեթե ամբողջական շրջափակումը»: Այսօր տարածած հայտարարությամբ միությունը շեշտում է, որ միջանցքի արգելափակումը ուղղակիորեն սպառնում է տեղի բնակչության կենսապահովմանը և լուրջ մտավախություններ առաջացնում հնարավոր հումանիտար ճգնաժամի վերաբերյալ:
Եվրամիությունը ուշադրությամբ հետևում է վերջին շաբաթներին ինչպես Հայաստանի և Ադրբեջանի սահմաններին, այնպես էլ Ղարաբաղի շփման գծում ամենօրյա կրակոցներով ուղեկցվող աճող լարվածությանը: Հիշեցնելով Հայաստանի և Ադրբեջանի առաջնորդների վերջին հանդիպումների մասին՝ Եվրոպական միությունը հայտարարում է, որ շարունակում է ներգրավված լինել ամենաբարձր քաղաքական մակարդակում՝ օգնելու թուլացնել լարվածությունը և գտնել փոխադարձ ընդունելի լուծումներ: