Շարժումը չստացավ խորհրդարանի աջակցությունը և որոշեց ինքը դիմել խաղաղապահներին

«Արցախի Ազգային ժողովից կոնկրետ պատասխան չենք ստացել. նրանք առաջարկեցին անջատել տեսախցիկները, որպեսզի խոսակցությունը շարունակենք նեղ շրջանակում՝ պատճառաբանելով, որ կան պահեր, որոնք հրապարակման ենթակա չեն։ Մենք առարկեցինք սրան, քանի որ կարծում ենք, որ տեսախցիկով կարելի է խոսել այն մասին, ինչ անհրաժեշտ է, մանավանդ որ մեր պահանջները հայտնի են ողջ աշխարհին, և մենք չենք պատրաստվում դրանք փոխել։ Արդյունքում մենք հրաժարվեցինք առանց տեսախցիկների հանդիպելուց և դուրս եկանք խորհրդարանից»,- ասաց միջանցքի ապաշրջափակման Համաժողովրդական շարժման շտաբի նախաձեռնող խմբի ներկայացուցիչ, բլոգեր Դավիթ Վանյանը։

Նրա խոսքով՝ «խորհրդարանում հանդիպման ողջ ընթացքը ուղիղ հեռարձակվել է, հրապարակվել է «Արցախյան ակցենտ» էջում, մենք ոչինչ չենք ջնջելու, որպեսզի հանրությունը համոզվի։

Վանյանն ասաց, որ Շարժումը, չստանալով խորհրդարանի աջակցությունը, որոշել է գրավոր դիմել ռուս խաղաղապահների հրամանատարությանը, «որտեղ մենք կհայտնենք մեր պահանջներն ու հանդիպման ցանկությունը», հավելելով, որ նամակը կկազմվի և կուղարկվի ամենակարճ ժամկետում։