Այժմ ընթանում են երկու ձեւաչափով բանակցություններ, և դրանցից կախված կլինեն մեր քայլերը

Արցախի հակաճգնաժամային հանձնաժողովի նախագահ Տիգրան Պետրոսյանը մասնակցում է Շարժման՝ միջանցքի ապաշրջափակման ակցիային։ Նա պատասխանել է Step1.am-ի թղթակցի հարցերին։

Մի քանի օր առաջ ասում էիք, որ 5-7 օր կսպասեք իշխանությունների արձագանքին, հետո կոնկրետ գործողություններ կսկսեք։ Ձեր մասնակցությունը ակցիային սրա հե՞տ կապ ունի։

Ես ակցիային մասնակցում եմ որպես Արցախի քաղաքացիև կապ չունեմ Շարժման հետ։ Ինչ վերաբերում է 5-7 օրվան, այո, մենք ժամանակ ենք տվել իշխանություններին որոշելու, թե ինչ վերաբերմունք կցուցաբերի Ռուսաստանը մեր նկատմամբ։ Առաջիկա 2-3 օրվա ընթացքում կարևոր բանակցություններ են նախատեսված Հայաստանից և Ղարաբաղից դուրս՝ մեր հարցով։ Հաշվի առնելով այս բանակցությունների կարևորությունը, ես հիմա չեմ կարող ասել, թե ով է դրանց մասնակցում, խոսքը երկու ձևաչափով բանակցությունների մասին է, ուզում ենք սպասել բանակցությունների ավարտին և դրանից հետո որոշել, թե ինչ է պետք անել։ Եթե ​​արդյունքում գան այն եզրակացության, որ միջանցքը պետք է ապաշրջափակվի, և ճանապարհներ գտնեն՝ ստիպելու դա անել, ապա մեզ ոչինչ չի մնա։ Եթե ​​ամեն ինչ մնա այնպես, ինչպես հիմա է, ապա արտաքին խաղացողների վրա հույս դնելն իմաստ չունի։