Թրոլինգը սկսվեց՝ նյարդային խաղերի շաբաթը մտնում է վճռորոշ փուլ

Երեկ նախագահ Արայիկ Հարությունյանը, հայտարարելով, որ միանում է Վերածննդի հրապարակում անցկացվող նստացույցին, ասաց, որ եթե մեկ շաբաթից իրավիճակը չկայունանա, ավելի կոշտ միջոցներ կձեռնարկվեն։

Ո՞վ պետք է կայունացնի իրավիճակը, ինչո՞ւ մեկ շաբաթից և ի՞նչ քայլեր են ձեռնարկվելու։

Ադրբեջանական փաբլիկներում Միջանցքի ապաշրջափակելու համաժողովրդական շարժման որոշումից հետո սկսեցին խոսել, որ ղարաբաղցիներն իրավունք չունեն խաղաղ երթերի գնալ դեպի միջանցք, որ դա հենց այնպես չի ավարտվի։ Շարժումը նույնպես մեկ շաբաթ թայմ-աութ վերցրեց։

Այսօր լուրեր են պտտվում, որ Ակնայից իբր Ասկերանով դեպի Ստեփանակերտ մեքենաներ են հետևում Բաքվի առատաձեռն հումանիտար օգնությամբ։

Թրոլինգը սկսվել է, և սա վերջին “բադիկը” չէ, որ տարածվում է չարագործների և թշնամիների կողմից։ Առաջիկա շաբաթը նյարդերի պայքար է լինելու, և թրոլինգն այս ճակատամարտի գլխավոր զենքն է։

Հայաստանի արտգործնախարարության արձագանքի բացակայությունը Բրյուսելում կայացած հանդիպումից հետո «Ակնայից» մատակարարումների հավանականության մասին հայտարարության հետ կապված օրինականացրեց այդ հնարավորությունը եւ թրոլինգը։