Գյուղացիներն այլեւս չեն կարողանալու մթերք հասցնեն Ստեփանակերտ
- 11:13 25.07.2023
Հուլիսի 18-ին Ստեփանակերտի հանրային տրանսպորտի մեծամասնությունը վառելիքի բացակայության պատճառով կրճատվեց, սակայն դեռևս այդ օրերին աշխատում էր միջշրջանային տրանսպորտը, որըի միջոցով գյուղացիները կարողանում էին որոշ չափով բանջարեղեն, միրգ և միս մատակարարել մայրաքաղաք։
Հուլիսի 25-ից փաստացի դադարել է հանրային տրասպորտի գործարկումը Արցախի ողջ տարածքում՝ կտրելով շրջանները մայրաքաղաքից և առավել խորացնելով ճգնաժամը։
Արցախի ողջ տարածքում տրանսպորտի բացակայությունը անհնարին է դարձնում գյուղերից մայրաքաղաք մթերքի տեղափոխումը։ Եվ եթե այս ամիսների բնակիչները իրենց հույս էին տալիս, որ գոնե միսը կա, ապա հիմա մսի ձեռք բերումը ևս խնդիր էր դարձել, կրկին տրանսպորտի բացակայության պատճառով։
Ստեփանակերտի բնակիչ Ն․Գ-ի խոսքով, սննդի մեծ մասը նրան ուղարկում էին բարեկամները գյուղից, որը որոշ չափով մեղմացնում էր իր հոգսը, բայց այժմ հաշվի առնելով տրանսպորտի բացակայությունը, չի պատկերացնում, թե ինչպես է գոյետևելու այս պայմաններում։ Նրան այժմ միայն մեկ փաստ է ուրախացնում, որ երկու անչափահաս երեխաները այժմ գյուղում են և որոշ չափով կարողանում են լուծել սննդի խնդիրը։