Մի՞թե Պրիշտինայի ու Բելգրադի միջև երկխոսության հիման վրա է Կոսովոն միջազգային ճանաչում ստացել
- 19:55 27.07.2023
Արցախի նախագահի խորհրդական, նախկին արտգործնախարար Մասիս Մսիլյանը գրում է․
Ո՞վ պետք է լինի Արցախի Հանրապետության իշխանությունների զրուցակիցը Արցախի ժողովրդի իրավունքների (այդ թվում՝ ինքնորոշման իրավունքի) ու անվտանգության ապահովման հարցում։ Արդյո՞ք դա պետք է լինի մի երկիր, որը աշխարհի քաղաքական քարտեզի վրա հայտնվելուց ի վեր բազմիցս փորձել է զավթել Արցախը և ոչնչացնել նրա ադրենածին հայ ազգաբնակչությանը, թե՞ միջազգային առանցքային դերակատարները, որոնք իրենց սեփական շահերն ունեն տարածաշրջանում:
Մի՞թե Պրիշտինայի ու Բելգրադի միջև երկխոսության հիման վրա է Կոսովոն միջազգային ճանաչում ստացել՝ հավաքական Արևմուտքի հովանու ներքո։ Կամ մի՞թե Ռուսաստանը ճանաչել է Աբխազիան, Հարավային Օսիան և Ուկրաինայի ինքնավար և ոչ ինքնավար կազմավորումները վերջիններիս, համապատասխանաբար, Թբիլիսիի և Կիևի հետ երկխոսության արդյունքների հիման վրա։