Դեպի Բերձորի միջանցք երթին մասնակցելու համար գրանցումը սկսվել է
- 20:12 31.07.2023
«Փաստորեն, Շարժումն արդեն սկսվել է, ցանկացողները կարող են գալ և գրանցվել։ Մարդիկ մոտենում են, հարցնում, բայց մեզ հետաքրքրում է նրանք, ովքեր իրենց մեջ պատասխանատվություն են գտնում երթին մասնակցելու։ Կոպիտ ասած՝ 1500-2000 մարդ պետք է հավաքվի։ Սա խաղաղ ակցիա է»,- Step1.am-ի հետ զրույցում ասաց Միջանցքի ապաշրջափակման շարժման շտաբի անդամ Վրեժ Բալասանյանը։
Հիշեցնենք, որ Շարժումն առաջարկում է Ստեփանակերտից և Երևանից միաժամանակ խաղաղ երթով շարժվել դեպի միջանցք և հասնել դրա ապաշրջափակմանը։ Ինչպես ավելի վաղ նշվել էր, Շարժման մասնակիցները պահանջում են ռուս խաղաղապահներից կատարել իրենց պարտքը և աջակցել արցախցիների խաղաղ երթին։