Ռուսների հրաժարումից հետո արցախցիները մտածում են միջազգային խաղաղապահների մասին
- 14:35 07.08.2023
Ռուս խաղաղապահ զորքերի հրամանատարությունը մերժել է արցախցիների խաղաղ երթն ուղեկցելու առաջարկը. Արցախում ռուսական խաղաղապահ զորախմբի հրամանատարի տեղակալ Սազոնովի ստորագրությամբ պատասխան նամակում նշվում է, որ նոյեմբերի 9-ի հայտարարությունը խաղաղապահների կողմից նման գործողություններ չի նախատեսում։
Միջանցքի ապաշրջափակման ժողովրդական շարժման շտաբի ներկայացուցիչ Արթուր Օսիպյանը կարծում է, որ «խաղաղապահների կողմից խաղաղ երթն ուղեկցելուց հրաժարվելը նշանակում է, որ խաղաղապահները հրաժարվում են կատարել իրենց պարտավորությունները, խախտում են նոյեմբերի 9-ի հայտարարությունը և, փաստորեն, Ադրբեջանի ղեկավարության հետ միասին շրջափակում են Լեռնային Ղարաբաղը։ Միջազգային խաղաղապահների ներգրավման խնդիրն էլ ավելի արդիական ու անհրաժեշտ է դառնում»։