Կանխիկի պակասի հետ մեկտեղ չի աշխատում անկախիկ տարբերակը
- 12:57 10.08.2023
Շրջափակումից ի վեր Արցախում ծագել է կանխիկ գումար ստանալու խնդիրը։ Օրեր առաջ ԱՀ ֆինանսների և էկոնոմիկայի նախարաթյունը հորդորել էր քաղաքացիներին գումարը կանխիկացնել միայն խիստ անհրաժեշտության դեպքում։
Շրջափակման առաջին ամիսներին բնակչությունը հնարավորություն ուներ գնումները իրականացնել անկախիկ տարբերակով, ինչը որոշ չափով մեղմացնում էր գումարի կանխիկացման հարցը։ Սակայն այժմ գրեթե բոլոր խանութները փակ են, իսկ հիմնական ապրանքաշրջանառությունը իրականցվում է գյուղացիների կողմից գյուղմթերքի վաճառման հաշվին՝ կանխիկ գումարով, ինչը լուրջ հերթեր է առաջացնում բանկոմատների առաջ և նաև բանկերում։
Ստեփանակերտի բնակիչ Մ․Գ-ի խոսքով, երկար հերթ կանգնելուց հետո ընդամենը 4000 դրամ են կարողացել ստանալ, քանի որ շեմը այդքան էր դրված, ինչը իհարկե չի կարող բավարարել, իսկ ամեն օր հերթ կանգնելը չի ստացվում, քանի որ մարդիկ ստիպված օրվա մեծ մասը այլ հերթերում են լինում, և եթե օրինակ բաց թողնեն հացի հերթը, այդ օրը կարող են մնալ առանց հացի։
Դրանից զատ բնակչության մի մասը աշխատում է, իսկ հովհարային անջատումների պայմաններում պետք է հասցնեն նաև տան գործերը ավարտել։
Ա․Ղ-ի խոսքով երկար հերթերից խուսափելու համար նրանք ստիպված են լինում գիշերը կանխիկացնել գումարը, այն էլ փաստ չէ, որ հերթեր չեն լինելու, ուղղակի գիշերը գոնե հերթ կանգնելը մի քիչ հով է։
Քրիստինա Ալահվերդյան