Առավոտյան խաղաղապահները ԲՏՌ են բերել՝ ճանապարհը բացելու պահանջով

Միջանցքի ապաշրջափակման ժողովրդական շարժման շտաբի ներկայացուցիչները երեկ երեկոյան, ինչպես գրել է Step1.am-ը, գնացել են Ստեփանակերտի օդանավակայան՝ պահանջելով հանդիպում գեներալ Լենցովի հետ։ Նրանք պահանջում են ապահովել խաղաղ երթի անվտանգությունը դեպի Հաքարիի կամուրջ։ Համաժողովրդական շարժման շտաբի ներկայացուցիչ Արթուր Օսիպյանի էջում ուղիղ հեռարձակվում են բոլոր իրադարձությունները։ https://www.facebook.com/arthur.osipyan.902

Շարժման ներկայացուցիչ Վրեժ Բալասյանն ասաց, որ գեներալ Լենցովը հրաժարվել է հանդիպել։ Ի պատասխան՝ Շարժման ներկայացուցիչները մարդատար ավտոմեքենայով փակել են բազայի մուտքը և ողջ գիշեր մնացել են այնտեղ։ Առավոտյան խաղաղապահները ԲՏՌ են բերել՝ մեքենան ճանապարհից հեռացնելու պահանջով։ Մերժումից հետո ռուս զինվորները ձեռքով կողք են քաշել մեքենան՝ կոտրելով բուֆերն ու շասսին։ Թեև մեքենայի տերը ավտոի մեջ էր, խաղաղապահները սպառնացել են վրաերթի ենթարկել մեքենան, եթե այն չհանեն։ Այնուհետև խաղաղապահները «ԿԱՄԱԶ» մակնիշի ավտոմեքենա են բերել՝ ճակատից հարձակվելու սպառնալիքով։

Շարժումը որոշել է վերադառնալ Ստեփանակերտ և մարդկանց հրավիրել հանրահավաքի այսօր երեկոյան՝ ժամը 19.00-ին, Կենտրոնական հրապարակում՝ քննարկելու խաղաղ հանրահավաքի հետագա քայլերը։

Բալասանյանը հավելեց. «Մեր պահանջները չեն փոխվել. խաղաղապահները պետք է կատարի եռակողմ հայտարարությամբ ստանձնած իր պարտավորությունները՝ ապահովելու Լաչինի միջանցքի ապաշրջափակման համար դեպի Հաքարի գետի վրա գտնվող կամուրջ խաղաղ հանրահավաքի անվտանգությունը»։