Ռուսաստանը, Չինաստանն ու Բրազիլիան խոսել են “աղդամով” ճանապարհի մասին

Արցախի շրջափակման հարցով ՄԱԿ ԱԽ նիստին Չինաստանի ու Բրազիլիայի ներկայացուցիչները խոսեցին Մոսկվա-Բաքու-Երևան եռակողմ հայտարարությունների մասին և չհիշատակեցին ՄԱԿ դատարանի որոշումը Բերձորի միջանցքը ապաշրջափակելու մասին։ Նրանք ընդհանրապես չհիշատակեցին Բերձորի միջանցքը, իսկ Բրազիլիայի ներկայացուցիչը կիրառեց «աղդամ-խանքենդի» ճանապարհ արտահայտությունը։ Այդ ճանապարհի բացման Մոսկվայի առաջարկի մասին խոսեց ՌԴ ներկայացուցիչը և հայտարարեց, որ եռակողմ պայմանավորվածություններին այլընտրանք չկա։ ՌԴ ներկայացուցիչը նույնպես չհիշատակեց ՄԱԿ Դատարանի որոշումը Բերձորի միջանցքն ապաշրջափակելու մասին։