Ստեփանակերտի կարի արտադրամասը դպրոցական շորեր է կարում
- 15:37 22.08.2023
«Սթար սթայլ» կարի արտադրամասը իր գործունեությունը սկսել է Ստեփանակերտում 2022թ., և գլխավոր նպատակը՝ թուրքական ապրանքների փոխարեն հայկական տարբեր ոճերի որակյալ և մատչելի հագուստի արտադրությունը և ներմուծումն է շուկա:
Չնայած շրջափակման պայմաններում արտադրամասը առնչվել է մի շարք խնդիրների, որոնցից ամենամեծը հումքի ներմուծման անհնարինությունն է, սակայն նրանց համառ ջանքերի շնորհիվ հնարավոր է դարձել թեթևացնել արցախցիների ուսերին ծանրացած բեռը՝ արտադրելով դպրոցական հագուստ, ինչի պակասն այս օրերին լուրջ խնդիր է:
Արտադրամասի պատասխանատուները նաև նշում են, որ նրանց համար ավելի շատ հնարավորություններ կստեղծվեին, եթե պետությունը վարեր տեղական արտադրանքը խրախուսող քաղաքականություն, որպեսզի ավելի հեշտ լինի տարածվել և՛ տեղական, և՛ արտաքին շուկայում:
Մեր կողմից նաև ավելացնենք, որ նման փոքրիկ նախաձեռնությունները շրջափակված Արցախում հույս են ներշնչում, որ ամեն ինչ դեռ առջևում է:
Քրիստինե Ալահվերդյան
