ՆԱՏՕ-ի նախկին գլխավոր քարտուղար. Բաքուն քաղաքական և տնտեսական հետևանքներ կստանա
- 21:28 02.09.2023
ՆԱՏՕ-ի նախկին գլխավոր քարտուղար Անդերս Ֆոգ Ռասմուսենն իր ֆեյսբուքյան էջում գրառում է կատարել Արցախում տիրող իրավիճակի մասին, հղում անելով BBC-ի հոդվածին։
BBC News-ի կարևոր պատմությունը Լեռնային Ղարաբաղի ժողովրդի առջև ծառացած ավելի ու ավելի ծանր իրավիճակի մասին է: Տարածաշրջանն արտաքին աշխարհին կապող միակ ճանապարհի շրջափակումը Ադրբեջանի կողմից կենսական նշանակության դեղամիջոցների և առաջին անհրաժեշտության սննդամթերքի խիստ պակասի պատճառ է դառձել:
Աշխարհը չի կարող աչք փակել տեղի ունեցողի վրա։ Միջազգային հանրությունը՝ ԱՄՆ-ի և Եվրամիության գլխավորությամբ, պետք է շտապ գործի, որպեսզի մարդասիրական ճգնաժամը չվերածվի աղետի։ Նրանք պետք է հասկացնեն Ադրբեջանի իշխանություններին, որ եթե չվերացնեն շրջափակումը և չկատարեն իրենց միջազգային պարտավորությունները, կլինեն քաղաքական և տնտեսական հետևանքներ, գրել է նա։