Ինչո՞ւ է Ազգային ժողովը թաքնվում ազգից

Երեկ Արցախի խորհրդարանն ընտրեց նոր նախագահ, ապա կարճ պաշտոնական հաղորդագրություն տարածեց, իսկ ուշ երեկոյան հրապարակվեց նախագահի այն ժամանակվա թեկնածու Սամվել Շահրամանյանի ելույթը։

Իշխանությունները, ըստ երևույթին, կարծում են, որ մարդկանց կարելի է տեղեկատվություն տրամադրել պոստֆակտում։ Քանի որ ընտրություններն անցկացվեցին «արտակարգ» կարգով, առանց ընտրարշավի, առանց լայն զանգվածների մասնակցության, առավել ևս արժեր ժողովրդին ծանոթացնել ապագա նախագահին, թեկուզ խորհրդարանում նրա ելույթի ժամանակ։ Ժողովուրդը գոնե որպես հանդիսատես չի կարողացել մասնակցել «ընտրական» գործընթացին։ Նախագահն այսօր էլ երդում է տվել, սակայն այս արարողությունը ևս ուղիղ եթերով չի հեռարձակվել։

Սա առաջին խորհրդարանական նիստն է ՝  առանց ուղիղ հեռարձակման։ Թեկուզ ժամանակին բոլոր նիստերը հեռարձակվում էին ուղիղ եթերում, և մարդիկ տեսնում էին, թե ինչպես պատգամավորները ջանք ու եռանդ չեն խնայում հանուն ազգի։

Ինչո՞ւ խորհրդարանը վերջերս հրաժարվեց ցուցադրել իր գործունեությունը:

Սահմանադրության հետ իշխանությունների կողմից և՛ պատերազմից առաջ, և՛ դրանից հետո իրականացված մանիպուլյացիաները հանգեցրին նրան, որ Ազգային ժողովը այլևս ազգային չէ. մարդկանց մեծ մասը չգիտի իր խորհրդարանը, չի տեսել կամ լսել դրա ձայնը և ճանաչում է միայն լուսանկարներից:

Նորընտիր նախագահը համարվում է ներքաղաքական ինտրիգների զավակ, այլ ոչ թե ժողովրդի ընտրությունը։ Չնայած, որ նրան ընկալում են որպես դրական մարդ։ Ժողովուրդը չի մասնակցել նրա ընտրությանը, իսկ պատգամավորները ժողովրդի հետ կապ չունեն։

Առանց ուղիղ եթերի մարդիկ զրկվեցին երկրի կյանքում նման կարևոր իրադարձությանը մասնակցելու հնարավորությունից։ Խորհրդարանի նիստից հետո Ազգային ժողովի շենքի դիմաց տեղի ունեցած հանրահավաքի մասնակիցները պահանջ են ներկայացրել, որ նախագահը դուրս գա ժողովրդի մոտ, ընդունի նրանց առաջարկը և ժողովրդին ներկայացնի Արցախը փրկելու ծրագիր։ Բայց պատասխան չստանալով՝ մարդիկ ցրվեցին հիասթափված։

Իսկ նորընտիր նախագահը, չգիտես ինչու , դուրս եկավ խորհրդարանի շենքից՝ շրջապատված մի քանի տասնյակ ԱԱԾ աշխատակիցներով։

Ի՞նչ է սա, եթե ոչ խոսքի ազատության, լրատվամիջոցների աշխատանքի և իշխանության ձևավորմանը  մասնակցելու սահմանափակում։

Ալվարդ Գրիգորյան