Ադրբեջանը ապատեղեկատվություն տարածելու հարցում այս անգամ հատել է տրամաբանության սահմանները. Արցախի ՊՆ

ՊՆ շարունակում է իրականացնել հերթական սադրանքի տեղեկատվական նախապատրաստությունը: Այս մասին հայտարարություն է տարածել Արցախի Հանրապետության պաշտպանության նախարարությունն՝ ընդգծելով, որ Ադրբեջանի ՊՆ-ն այս անգամ հատել է տրամաբանության սահմանները։

«Ադրբեջանի ՊՆ հրապարակած հերթական ստահոդ հաղորդագրությունն այն մասին, թե իբր ՊԲ ստորաբաժանումները սեպտեմբերի 11-ին ժամը 08։30-ի սահմաններում շան վզին ամրացրել են ինքնաշեն պայթուցիկ սարք և ստիպել են շանն անցնել ադրբեջանական կողմ և իրականացնել «ահաբեկչական» գործողություն, ամբողջությամբ հորինված է և կեղծիք»,- ասված է հայտարարության մեջ;