Արցախցիները պետք է կողմնորոշվեն, թե ինչ են ուզում, ոչ ոք չի օգնի

Արցախցիները պետք է կողմնորոշվեն, թե ինչ են ուզում. ոչ ոք չի օգնի

Arshak Abrahamyan-ը գրում է․

Ներեցեք, բայց ես այս պահին ո’չ ՀՀ-ում և ո’չ էլ Արցախում չեմ տեսնում կատաղի պայքար Հակարիի կամրջին տեղադրված անցակետի ապամոնտաժման ուղղությամբ։

Հայաստանի մասին արդեն չեմ խոսում՝ որովհետև էլ ասելիք չկա այսքանից հետո…իսկ Արցախի մասով էլ կասեմ.

-Հարգելի’ արցախցիներ, դուք չեք պայքարում, դուք համակերպված ժամանակ եք ձգում։ Իսկ այդ մտածելակերպով ձեզ լավ օրեր չեն սպասվում։ Կողմնորոշվեք վերջապես`  ինչ եք ուզում…որովհետև այս պահին հասարակության մեջ այսպիսի վիճակ է.

-ո՛չ ուզում եք զենքի ուժով բացել միջանցքը

-ո՛չ ուզում եք կտրուկ քայլերի դիմել,

-ո՛չ ուզում եք մնալ,

-ո՛չ ուզում եք հեռանալ,

-հույսներդ դրել եք մի մասը՝ ռուսների վրա, մյուս մասն էլ՝ արևմուտքի ու միջազգային հանրության,

-ո՛չ հելնում եք սոցիալական անարդարության և բարձր գների դեմ բողոքեք։՛Ով ինչ գին ուզում կրակում է՝դուք էլ սուս-փուս առնում եք,

-ներքին կազմակերպվածությունը գտնվում է զրոյական մակարդակի վրա,

-պետական վերահսկողությունը նույնպես խստորեն չի իրականացվում,

Գիտեմ ասածներս շատերիդ դուր չեն գա, բայց իրականությունը սա է։

Մինչև ինքներդ ձեզ համար որոշում չկայացնեք՝ այսպես թմբիրի մեջ գտնվելով ոչնչի չեք հասնելու և գնալով ձեր վիճակը էլ ավելի է վատթարանալու։ Կա՛մ սթափվում եք և կատարում ձեր քայլերը, կա՛մ էլ պատրաստ եղեք հետագա իրավիճակին և չբողոքեք թե ինչու  այդպես եղավ։