Ակնա-Ստեփանակերտ ճանապարհին ակտիվիստները շարունակում են հերթապահել
- 23:30 17.09.2023
«Արցախի անվտանգության և զարգացման ճակատ» շարժումը և ասկերանցիները շարունակում են Ակնա-Ասկերան-Ստեփանակերտ ճանապարհը շրջափակման ակցիան։
Ճակատի ներկայացուցիչ Հովիկ Ավանեսովի խոսքով՝ Ասկերան քաղաքի մատույցներում իրականացվող ակցիան շարունակվում է։ «Այս պահին ձևաչափի փոփոխություններ չկան։ Հերթապահությունն իրականացվում է նույն ձևաչափով և նույն նպատակով։ Փոփոխություններ կկատարվեն իրավիճակի զարգացմանը զուգընթաց»։
Ակտիվիստը նշեց, որ «ծանոթ է հայտարարությանը և անընդունելի եմ համարում «մարդասիրական ապրանքների» տեղափոխումը Ակնա-Ստեփանակերտ ճանապարհով»։
Այսօր Արցախի իշխանությունները հայտարարեցին, որ համաձայնություն կա «Բերձորի միջանցքով Գորիս-Ստեփանակերտ մայրուղով և Ակնա-Ստեփանակերտ ճանապարհով ԿԽՄԿ մեքենաներով (օտարերկրյա ապրանքներ) սինխրոն փոխադրելու մասին»:
Ըստ ArtsakhLur.am-ի աղբյուրների՝ Ակնա-Ստեփանակերտ ճանապարհով դեպի Արցախ կառաքվեն շվեյցարական, ռուսական, իսպանական և հնդկական ապրանքներ։ Հայաստանում արտադրվող ալյուրը, որի կարիքն օրեցօր ավելի է զգացվում, կմատակարարվի Գորիս-Ստեփանակերտ մայրուղով։
Բեռնափոխադրումները կիրականացվեն բացառապես Միջազգային Կարմիր Խաչի մեքենաներով։ Կարմիր մահիկի մեքենաները Ակնա-Ստեփանակերտ ճանապարհով չեն երթևեկելու: