Բաքուն հայտարարում է «վտանգավոր գոտուց բնակչության տարհանման մասին»

Բաքվի ՊՆ-ն հայտարարել է, որ վտանգավոր գոտուց խաղաղ բնակչության տարհանումն ապահովելու համար Լաչինի միջանցքում և այլ ուղղություններով ստեղծվել են մարդասիրական միջանցքներ և ընդունման կետեր։

«Ադրբեջանի զինված ուժերի հակաահաբեկչական գործողությունը շարունակվում է։ Ճշգրիտ զենքի կիրառմամբ գործողությունների շրջանակներում ոչնչացվում են միայն օրինական ռազմական թիրախները և ռազմական ենթակառուցվածքը: Վտանգավոր գոտուց բնակչության տարհանումն ապահովելու նպատակով Լաչինի ճանապարհին և այլ ուղղություններով ստեղծվել են մարդասիրական միջանցքներ և ընդունման կետեր», ասվում է հաղորդագրության մեջ։

Բաքվի ՊՆ հաղորդագրությունը նշանակում է, որ ռազմական գործողությունների նպատակը Արցախի տարածքի զավթումն է եւ բնակչության արտաքսումը։