«Ադրբեջանը մեկնարկել է ԼՂ-ի հայությանը էթնիկ զտումների ենթարկելու ցամաքային օպերացիան»․ Փաշինյան

Ասել, որ ԼՂ-ում այս իրադրությունն անկանխատեսելի էր, չի կարելի։ Մենք տեսնում էինք իրադրության լարումը, ֆեյսբուքյան ուղիղ եթերում այս մասին հայտարարեց վարչապետ Նիկոլ Փաշինյանը։

«Անվտանգության խորհրդի ընդլայնված նիստ ենք հրավիրել, քննարկել ենք իրադրությունը. պետք է արձանագրենք, որ այսպիսով Ադրբեջանը մեկնարկել է ԼՂ-ի հայությանը էթնիկ զտումների ենթարկելու ցամաքային օպերացիան։

Մենք կարծում ենք, որ առաջինը ՌԴ խաղաղապահ ուժերը պետք է միջոցներ ձեռնարկեն և երկրորդ, ակնկալում ենք, որ ՄԱԿ-ի Անվտանգության խորհուրդը պետք է միջոցներ ձեռնարկի», – հայտարարեց Փաշինյանը։

Այս գործողության հիմնական նպատակը ՀՀ-ին ռազմական գործողության մեջ ներքաշելն է, ֆեյսբուքյան ուղիղ եթերում այս մասին հայտարարեց վարչապետ Նիկոլ Փաշինյանը։

Մեզ համար տարակուսելի էր տեղեկությունը, որ Ադրբեջանն իր գործողույունների մեկնարկի մասին տեղյակ է պահել ՌԴ-ին, սակայն փաստն այն է, որ մենք այդ գործողության մասին Ռուսաստանի մեր գործընկերներից որևէ տեղեկատվություն չենք ստացել։