Պուտինը ուրախ-ուրախ զանգել է Ալիեւին
- 14:42 21.09.2023
ՌԴ նախագահ Վլադիմիր Պուտինն Ալիեւի հետ զրույցում ընդգծել է Ղարաբաղի “հայ բնակչության իրավունքների եւ անվտանգության ապահովման կարեւորությունը”: Երեւի, նա նկատի ուներ, որ պետք չէ մարդկանց թույլ տալ լքել Արցախը, պետք է պահել նրանց այնտեղ, որպեսզի ռուս խաղաղապահների ներկայությունը իմաստավորվի։
Ինչպես հաղորդում է Կրեմլի մամուլի ծառայությունը, զրույցի ընթացքում քննարկվել են տարածաշրջանում իրավիճակի հետագա կայունացման եւ հումանիտար խնդիրների հաղթահարմանն ուղղված առաջնահերթ քայլերը: «Հաստատվել է ադրբեջանական կողմի պատրաստակամությունը՝ այդ հարցերի շուրջ փոխգործակցել ռուս խաղաղապահների հետ։
Պայմանավորվածություն է ձեռք բերվել ակտիվացնել բանակցային աշխատանքը՝ 2020-2022թթ. բարձր մակարդակով եռակողմ պայմանավորվածությունների հունով, առաջին հերթին՝ տրանսպորտային կապերի ապաշրջափակման, ադրբեջանա-հայկական սահմանի դելիմիտացիայի եւ Բաքվի ու Երեւանի միջեւ խաղաղության պայմանագրի նախապատրաստման մասով»,-ասվում է հաղորդագրության մեջ։
Ըստ հաղորդագրության, նույն սխեմայով “կբացվեն” ճանապարհները եւ “սահամանազատում” կիրականացվի։