Արցախցիները Երեւանում ՌԴ դեսպանատան մոտ բողոքի ակցիա են անում
- 18:09 21.09.2023
2020 թվականի պատերազմի հետևանքով Արցախից տեղահանված քաղաքացիները եւ նրանց միացած անձինք բողոքի ակցիա են իրականացնում Երևանում ՌԴ դեսպանատան մոտ։
Ինչպես մեզ հետ զրույցում ասաց «Վերադարձ դեպի Դիզակ» ՀԿ նախագահ Մարգարիտա Քարամյանը, իրենք պահանջում են, որ ռուսական զորքերը անվտանգ միջանցք ապահովեն Արցախից մարդկանց տարհանման համար, որոնց Ռուսաստանը օգտագործում է որպես պատանդ։
Ցուցարարները պահանջում են Ազգային ժողովից արտահերթ նիստ գումարել եւ քննարկել Արցախում բնակվող 120 հազար ՀՀ քաղաքացիների ճակատագիրը։