Ռուսական «Կոմերսանտը» հոդված է հրապարակել, որում, ըստ էության, ասվում է, որ Մոսկվան և Բաքուն թույլ չեն տալիս, որ Արցախի կարգավիճակը քննարկվի օրինական միջազգային ատյաններում, քանի որ դա կբերի Ադրբեջանի կողմից Ղարաբաղի «կորստի» և Ռուսաստանի դուրսբերմանը տարածաշրջանից, այդ թվում՝ Հայաստանից։
Թերթի հետ զրույցում ռուս պաշտոնյան նշել է, որ «Ալիևի վարչակազմը կտրականապես մերժում է Ղարաբաղի հարցի միջազգայնացումը, քանի որ մտավախություն ունի, որ ամեն ինչ կվերադառնա տասնամյակների նախապատերազմական դանդաղ բանակցություններին»։
«Ռուսաստանը միակ երկիրն է, որի հետ Ադրբեջանը ուզում է երկխոսություն վարել։ Իսկ ուրիշի ներկայություն Բաքուն չի պատրաստվում թույլ տալ»,- ասել է «Կոմերսանտ»-ի աղբյուրը, որը ցանկացել է անանուն մնալ:
“Արևմուտքը սկսեցին զուգահեռ ձևաչափեր կառուցել՝ նախաձեռնությունը զավթելու համար։ Եթե Արևմուտքն օգնի լուծել ամեն ինչ, ինչի՞ համար պետք կլինի այնտեղ Ռուսաստանը: Եվ այնտեղ հայկական կողմը կբարձրացնի նաև Ռուսաստանի ռազմական ներկայության նպատակահարմարության հարցը»,- ասում է ռուս պաշտոնյան։
Խոսելով վերջերս Երևան և Բաքու այցելած Լավրովի հատուկ ներկայացուցիչ Իգոր Խովաևի «մաքոքային դիվանագիտության» մասին՝ «Կոմերսանտի» զրուցակիցն ասում է, որ Ռուսաստանը փորձում է հայկական կողմին համոզել ընդունել Լավրովի սխեման, «ըստ որի բացվում է Աղդամի երթուղին, իսկ Լաչինը սկսում է աշխատել մեկ օրից»:
Բայց ռուսական պետական կառույցներում, թաթախված ղարաբաղյան կարգավորման թեմայի մեջ, ասում են, որ հայերի համար առանցքային կետն է Լաչինով տարածաշրջանի մատակարարումը։ «Կարևոր է, որ Ղարաբաղում պահպանվի Ադրբեջանից անջատ կյանք։ Մյուս կողմից, Բաքուն պետք է «կտրի» և մատակարարումներն անցնի ներադրբեջանական ճանապարհով (Աղդամով): Դա կհեշտացնի ինտեգրումը, կզրկի Ստեփանակերտին պահպանվելու հնարավորությունից։ Այս դեպքում ամեն ինչ կախված կլինի միայն Ադրբեջանից»,- նշում է «Կոմերսանտի» աղբյուրը։