Մեքենայի ուղղությամբ Բաքվի կրակի հետևանքով հայկական կողմն ունի 1 զոհ և 2 վիրավոր․ Թիրախավորվել է նաև շտապօգնության մեքենան
- 23:04 02.10.2023
Հոկտեմբերի 2-ին սնունդ տեղափոխող մեքենայի ուղղությամբ Բաքվի ԶՈՒ կրակի հետևանքով հայկական կողմն ունի 1 զոհ և 2 վիրավոր, հայտնում են ՀՀ ՊՆ-ից։
«Ադրբեջանի ԶՈՒ ստորաբաժանումները թիրախավորած են եղել նաև շտապօգնության մեքենան, ինչը միջազգային մարդասիրական իրավունքի նորմերի կոպտագույն խախտում է։
Զոհված զինծառայողն է ՀՀ ՊՆ N զորամասի զինծառայող Արամ Տիգրանի Քոչարյանը:
Հայաստանի Հանրապետության պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակիցներին:
Վիրավոր 2 զինծառայողների կյանքին այս պահին վտանգ չի սպառնում, տեղափոխվել են զինվորական հոսպիտալ»,- նշված է հաղորդագրությունում: