Արտակ Բեգլարյան․ Արցախի կառավարությունը պետք է սկսի աշխատել
- 14:23 05.10.2023
Ելնելով ստեղծված իրավիճակից՝ Հայաստանի կառավարության գործողությունները պետք է ուղղված լինեն նպաստավոր պայմանների ստեղծմանը, որպեսզի Արցախի քաղաքացիները կարողանան վերադառնալ իրենց տները։
«Պայմաններն են՝ անվտանգության ամենաբարձր միջազգային երաշխիքները, տեղական ինքնակառավարման մարմինների վերականգնումը, միջազգային քաղաքացիական և պետական ներկայացուցիչների ներկայությունը և այլն»,- ասաց Արցախի նախկին պետնախարար Արտակ Բեգլարյանը։
Ինչ վերաբերում է Արցախի կառավարության գործողություններին, Բեգլարյանը գտնում է, որ անհրաժեշտ է ակտիվորեն աջակցել Հայաստանի իշխանությունների գործողություններին՝ վերը նշված պայմաններին հասնելու համար և միևնույն ժամանակ «բոլոր ուժերով պահպանել Արցախի Հանրապետության պետական կառույցի գոյությունը»։
«Բայց, ցավոք, այս պահին ես նման ցանկություն չեմ տեսնում։ Կարծես թե Արցախի իշխանությունը հանկարծ կորցրել է պետական մտածելակերպն ու ժողովրդին ծառայելու տարրական ցանկությունը։ Հիմա ժամանակն է հանդես գալ նախաձեռնությամբ»,- ասաց նա: