Արցախի համարները Հայաստանում աշխատելու են անխափան
- 09:45 06.10.2023
Թիմ Տելեկոմ Արմենիան հոգում է Արցախի 097 ծածկագրով հեռախոսահամարների սպասարկումը Հայաստանի տարածքում։ Արցախի բնակիչները կկարողանան օգտվել բջջային կապի բոլոր ծառայություններից՝ պահպանելով հեռախոսահամարները։
Այս որոշումը հեշտացրել է հարազատների և ընկերների որոնումները,-ասում է Ստեփանակերտի բնակիչ Վասակ Բ.-ն. -2020 թվականի պատերազմից հետո բազմաթիվ պատճառներով Արցախում բջջային կապն աշխատել է լուրջ ընդհատումներով։ Բայց բացի «Ղարաբաղ Տելեկոմից» այլ օպերատորներ չկային։ Ուստի, երբ սկսվեց Արցախի բնակչության բռնի տեղահանությունը, Գորիս ժամանելուն պես մարդիկ շտապեցին փոխել համարները, որպեսզի կարողանան զանգահարել հարազատներին։ Բայց շատերին դա չի հաջողվել երկար հերթերի պատճառով։ Իսկ այն լուրը, որ Հայաստանում սպասարկվելու է 097 կոդը, մարդկանց կյանքը հեշտացրել է։ Չէ՞ որ մի քանի օր «դժոխային միջանցքով» անցնելուց հետո շատերը կորցրել են կապն իրենց հարազատների եւ ընկերների հետ»։