Ռուբեն Վարդանյանը զրուցել է ընտանիքի հետ, նրան պաշտպանելու է մասնավոր փաստաբանը

Ադրբեջանական դատարանի կողմից կալանավորված Լեռնային Ղարաբաղի նախկին պետնախարար Ռուբեն Վարդանյանին հետաքննության ընթացքում կպաշտպանի նրա ընտանիքի ընտրած փաստաբանը։ Այս մասին հայտնում է Ադրբեջանի օմբուդսմենի մամուլի ծառայությունը։
Նշվում է, որ Վարդանյանին հնարավորություն է տրվել հեռախոսազրույց ունենալ ընտանիքի անդամների հետ։ Թույլատրվում է նաև ծանրոցներ ուղարկելը, գրադարանից օգտվելը և տեղեկատվության հասանելիությունը:
Ադրբեջանի օմբուդսմեն Սաբինա Ալիևայի այցի ժամանակ Վարդանյանը «գոհունակություն է հայտնել կալանքի պայմաններից»։ Նա հայտնեց նաեւ, որ նախնական բուժզննում է անցել, առողջական խնդիրներ չունի։