Արցախցի հարկատուները պահանջում են վճարել իրենց հասանելիք գումարը
- 10:37 17.10.2023
Արցախի բնակիչ Ալյոնա Սարգսյանը գրում է․
Հոկտեմբերի մեկից պաշտոնապես ազատված ենք աշխատանքից։
Մինչդեռ ՀՀ իշխանությունների կողմից մեկ տարվա բյուջեն հաստատված , և ուղարկված էր Արցախի հանրապետության կառավարությանը։
Քանի,որ մեր բոլոր իրավունքները ոտնահարված են,մարդիկ խորապես հիասթափված ,մարդկանց մեծամասնությունը լռում է։
Բայց չէ որ մինչև հունվարի 1_ը (չարաբաստիկ օր)ԱՀ աշխատանքային օրենսգիրքը ուժի մեջ է,ըստ որի ֆորսմաժորային իրավիճակներում գործատուն պարտավոր է վճարել հարկադիր պարապուրդի համար(կրթական օղակը դեռ չի ստացել իր սեպտեմբեր ամսվա աշխատավարձերը)։
Ի վերջո ո՞րտեղ են Արցախի պետբյուջեի միլիարդները։
Ես որպես ԱՀ 13տարվա հարկատու պահանջում եմ ԱՀ <<իշխանություններից>> հաշվետու լինել ժողովրդի առջև, մինչև վերջին կոպեկը վճարել մարդկանց աշխատավարձերը,կենսաթոշակները,կրթաթոշակները և այլ պարտավորությունները ։