Արցախի նախագահի աշխատասենյակի մոտ լարված իրավիճակ է
- 11:45 20.10.2023
Արցախի նախագահ Սամվել Շահրամանյանը Երևանում Արցախի ներկայացուցչության մոտ դուրս է եկել բողոքի ակցիա անցկացնողների մոտ։ Հավաքվածների մեծ մասը բարձրացել է նրա աշխատասենյակ։
Ինչպես հայտնում է Step1.am-ի թղթակիցը, գրասենյակում իրավիճակը լարվել է՝ ճիչեր ու բարձր պահանջներ են լսվում։
Այսօրվա ակցիայի մասնակից Ա.Մ.-ի խոսքով, մի քանի օր առաջ տեղահանվածներն արդեն հավաքվել էին Արցախի ներկայացուցչության դիմաց և հարցեր ուղղել Շահրամանյանին (նկատի ունի նախագահին) և կառավարությանը, և այսօր հույս ունեն ստանալ ոչ միայն պատասխաններ, այլև որոշ գործողություններ։
«Ուզում ենք իմանալ, թե ինչու է Արցախն այդքան հեշտությամբ և ինչքանո՞վ է հանձնվել Ադրբեջանին։ Ինչո՞ւ չեն վերադարձնում աշխատավարձերը, հատկապես նրանց, ովքեր եղել են մարտական դիրքում։ Նրանց աշխատավարձերը ուշացվում էին սեպտեմբերյան պատերազմից առաջ վերջին չորս-հինգ ամիսների ընթացքում։ Եվ մենք հաստատ գիտենք, որ իշխանությունները բանջարեղենի տուփերով տասնյակ միլիոններ կանխիկ գումար են դուրս բերել։ Մենք գիտենք, որ բյուջեի հաշիվը սառեցված չէ, ինչպես իրենք են պնդում։ Ոչ ոք չի հավատում, որ իշխանությունները կամավոր հիմունքներով են աշխատելու, մեր աշխատավարձերը, ըստ ամենայնի, իրենց համար են խնայել։ Հաստատ գիտենք նաև, որ սեպտեմբերի 20-ից հետո բյուջեի միջոցով բազմաթիվ գործարքներ են կատարվել շարժական և անշարժ գույքի վերաբերյալ։ Սրանք միայն խոսակցություններ չեն։ Այս մարդիկ պետք է պատասխան տան իրենց արարքների համար»։