Զոհվածների հիշատակին պետք է նոր ընտանիքներ ստեղծել

Արցախցի երիտասարդները այդպես էլ որոշեցին և ընդունեցին Masoor Art House-ի առաջարկը՝ իրենց համար հարսանիք կազմակերպել։

Տիգրանի և Լիլիի նշանադրությունը տեղի է ունեցել սեպտեմբերի 2-ին Ստեփանակերտում։ Նրանք ծրագրել էին մեկ տարուց հարսանիք անել։ Բայց պատերազմն ու արցախցիների հայրենի վայրերից բռնագաղթը փոփոխություններ մտցրին նրանց կյանքում։

Նրանք դարձան արցախցի առաջին զույգը, ով ընտանիք կազմեց և ամուսնացավ եկեղեցում։

Masoor Art House-ն առաջարկել է որպես նվեր կազմակերպել հարսանիք՝ հյուրասիրություն, ավանդական արարողություններ։ Ելույթ ունեցավ «Նաիրյան» վոկալ համույթը և Amaras Art Alliance աջակցություն:

Մաթևոսյանների ընտանիքն ունի 5 երեխա և արդեն 12 թոռ։ Հարսնացուի մայրը՝ տիկին Անուշն ասաց, որ Լիլին երեխաներից փոքրն է, և ինքն էլ արդեն ամուսնացավ։

«Տեղահանումից հետո շատ ընտանիքներ էին բաժանված՝ հայտնվելով Հայաստանի տարբեր վայրերում։ Մենք չկարողացանք կազմակերպել հարսանիքը։ Masoor Art House-ը հիանալի նվեր մատուցեց երեխաներին, ինչի համար անչափ շնորհակալ ենք։ Գլխավորն այն է, որ մեր երեխաները և նրանց հետ միասին բոլոր երեխաները չիմանան, ինչ է պատերազմն ու դրա հետևանքները»։