ԿԽՄԿ աշխատակիցների օգնությամբ մինչ այժմ ԼՂ-ից Հայաստան է տեղափոխվել 220 աճյուն
- 21:28 26.10.2023
Սեպտեմբերի 19-ի ռազմական գործողությունների սրացումից ի վեր, մինչ այժմ Կարմիր խաչի միջազգային կոմիտեի աշխատակիցները օգնել են Հայաստան տեղափոխել 220 աճյուն, որոնց թվում են նաև վառելիքի պահեստում տեղի ունեցած պայթյունի զոհերը։
«Արմենպրես»-ի հաղորդմամբ՝ այս մասին տեղեկացնում են ԿԽՄԿ հայաստանյան գրասենյակից։
«Զոհերին նույնականացնելն այս պահին մեծ մարտահրավեր է․մեր դատաբժշկական փորձագետները շարունակում են աշխատել՝ անցյալ ամիս վառելիքի պահեստի ողբերգական պայթյունի զոհերի աճյունների հետ արժանապատիվ վարվեցողություն երաշխավորելու համար»,-նշված է կոմիտեի հաղորդագրության մեջ։