Սամվել Շահրամանյանն ընդունել է Եվրոպական խորհրդարանի պատգամավորներին
- 23:36 31.10.2023
Արցախի նախագահ Սամվել Շահրամանյանն ընդունել է հոկտեմբերի 29-30-ը Եվրոպական խորհրդարանի ֆրանսիացի պատգամավոր Նիկոլաս Բեյի, իտալացի պատգամավոր Վինչենցո Սոֆոյի և Եվրոպական խորհրդարանի առաջիկա ընտրություններին ֆրանսիական «Reconquête» կուսակցության ցանկը գլխավորող Մարիոն Մարեշալի գլխավորած պատվիրակությունը։
Հանդիպման մասին իր ֆեյսբուքյան էջում գրառում է կատարել ֆրանսիացի պատգամավոր Մարիոն Մարեշալը՝ կարևորելով Արցախի նախագահ Սամվել Շահրամանյանի հետ հանդիպումը։ Նա ասել է, որ Թուրքիայի կողմից աջակցություն ստացող Բաքուն ցանկանում է բնաջնջել հայերին ու ոչնչացնել քրիստոնեության հետքը։
Հանդիպման ընթացքում քննարկվել են Բաքվի ագրեսայի հետևանքով ստեղծված իրավիճակին առնչվող հարցեր։
Հիշեցնենք, որ առ այսօր չի կայացել ՀՀ իշխանությունների պաշտոնական հանդիպում Արցախի ղեկավարության հետ։