Ռուսաստանը համաձայն է ամեն ինչ տալ Թուրքիային՝ Հայաստանը, նեռարյալ՝ Արցախը, Ղրիմը, Սիրիան, Պաղեստինը
- 11:15 03.11.2023
Ղրիմի շրջանի Պետդումայի պատգամավոր Միխայիլ Շերեմետը ուկրաինական իշխանությունների արձագանքը Ղրիմի պատվիրակության Թուրքիա այցին համեմատել է Կռիլովի առակից Մոսկայի հաչոցի հետ, գրում է РИА Новости-ն։ Նրա խոսքով, «Ռուսաստանի Ղրիմի և Թուրքիայի շրջանների միջև միջտարածաշրջանային տնտեսական և զբոսաշրջային հարաբերությունները միայն կամրապնդվեն»։
Ռուսաստանի քաղաքականությունն իր Թ”թռնող”«ազդեցության գոտիների» վերաբերյալ հանգում է հիմնական հետեւյալին` կանխել նախկին գաղութներում ինքնիշխան պետությունների վերականգնումը կամ ձևավորումը, ավելի լավ է այդ շրջանները տալ Թուրքիային։ Այս հարցում, ըստ ամենայնի, Ռուսաստանը կոնսենսուսի է եկել Արեւմուտքի հետ։
Ոգեշնչված Ռուսաստանի և Արևմուտքի այս քաղաքականությունից՝ Էրդողանը փորձում է միավորել նախկին Օսմանյան կայսրությունը՝ քիթը խոթելով բոլոր հնարավոր և աներևակայելի հակամարտությունների մեջ՝ հույս ունենալով, որ Ռուսաստանն ու Արևմուտքը կճանաչեն խալիֆայության իր իրավունքը։
Սա եղավ Սիրիայում, հետո Արցախում ու Հայաստանում, որոնք «ռեգիոնալիզացիայի» մասին խոսող Նիկոլ Փաշինյանի թեթեւ ձեռքով աստիճանաբար դառնում են «Թուրքիա»։
Ինչ-որ պահի դա կարող է տեղի ունենալ Երուսաղեմում, որը համարվում էր Օսմանյան կայսրության սիրտը, և որի վերաբերյալ Էրդողանը անընդհատ ասում է, որ Իսրայելը պետություն չէ, այլ կազմակերպություն:
Ղրիմի հարցում այլեւս կասկած չկա. Էրդողանն ասում է, որ Ղրիմը պատկանում է ոչ թե Ռուսաստանին կամ Ուկրաինային, այլ Ղրիմի թաթարներին։
Ի դեպ, հենց Ղրիմի թաթարներն են հիմա Ոսկե Հորդայի խանի ռեգալիայի պաշտոնական պահապանները:
Նաիրա Հայրումյան