Արցախյան գորգեր՝ Շուշիից Երևան. թանգարանը պետք է վերաբացի իր դռները
- 13:39 03.11.2023
Շուշիի գորգի թանգարանը հիմնադրվել է 2011 թվականի սեպտեմբերի 2-ին՝ Արցախի Հանրապետության անկախության օրը։ Թանգարանի հիմնադիր և տնօրեն Վարդան Ասծատրյանը, ուսումնասիրելով գորգերի ծագման պատմությունը և հաշվի առնելով Ադրբեջանի կողմից փաստերի խեղաթյուրման և հայկական մշակութային և պատմական ժառանգության յուրացման քաղաքականությունը, հասկանալով, որ եթե դրան չդիմադրել այժմ, ապա մոտ ապագայում հայ ժողովուրդը կարող է կորցնել իր ազգային ինքնությունը, որոշել է Շուշի քաղաքում ստեղծել գորգի թանգարան, որտեղ հավաքվել են տարբեր ատրիբուտներով հայկական գորգեր։
2000-ականների սկզբին Վարդանը շրջել է արցախյան գյուղերով և գնել հայկական հին գորգեր։ Ավելին, նա գնել է միայն անվանական գորգեր՝ դրանց ծագման պատմության մասին ճշգրիտ տեղեկություններով։ Այս փաստն է այս հավաքածուի յուրահատկության հիմնական պատճառը։
Համեմատության համար թանգարանում պահվել են նաև պարսկական և դաղստանյան գորգեր։
Ամեն տարի՝ մինչև 44-օրյա պատերազմը, թանգարան այցելում էին հարյուրավոր զբոսաշրջիկներ տարբեր երկրներից։ Շուշիի գրավումից հետո հավաքածուի հիմնական մասը՝ մոտ 175 գորգ, տեղափոխվել է Հայաստան, սակայն մինչ այժմ Հայաստանի ղեկավարությունը աջակցություն չի ցուցաբերել, որպեսզի թանգարանը վերաբացի իր դռները։
«Բայց այդ գորգերը մշակութային և պատմական ժառանգություն են և պատկանում են հայ ժողովրդին, և իմ հիմնական նպատակն է վերսկսել թանգարանի աշխատանքը, ժամանակավորապես Հայաստանի տարածքում»,- Step.am-ի հետ զրույցում ասաց Վարդան Ասծատրյանը։
Արսեն Աղաջանյան
