Զոհվածների ընտանիքները հույս ունեն, որ իրենց հարազատները կվերահուղարկավորվեն Հայաստանում

Սեպտեմբերյան պատերազմներում զոհվածների ընտանիքները որոշել են դիմել ՀՀ կառավարությանը՝ խնդրանքով, որպեսզի նրանց հնարավորություն տրվի վերահուղարկավորել Արցախում թաղված  իրենց հարազատների աճյունները Հայաստանում։

Նոյեմբերի 7-ին՝ ժամը 12:00-ից, ՀՀ կառավարության շենքի դիմաց սկսեցին հավաքվել ընտանիքներ։ «Մենք հավաքվել ենք բարձրացնելու մեր տղաների՝ հերոսների գերեզմանները տեղափոխելու հարցը։ Նախկինում մենք կապվել ենք ԿԽՄԿ-ի հետ։ Այսօր մենք մեր խնդրանքը փոխանցում ենք իշխանություններին՝ օգնության ակնկալիքով»,- ասաց սեպտեմբերյան պատերազմում զոհված ժամկետային զինծառայողի մայրը։

44-օրյա պատերազմում անհայտ կորածների և զոհվածների միության նախագահ Արմեն Ասրյանի խոսքով, իշխանությունը լսել է զոհվածների հարազատներին և խոստացել խնդրանքը հասցնել ղեկավարության բարձրաստիճան պաշտոնյաներին։ Քննարկվել են նաև մի շարք սոցիալական խնդիրներ։« Մենք փոխանցեցինք, որ զոհվածների և հատկապես կերակրողին կորցրածների ընտանիքները հոգեբանական և նյութական առումներով հատուկ մոտեցման կարիք ունեն», -ասաց նա։