USAID-ը օգնում է արցախցիներին նոր մասնագիտություն ընտրել
- 18:06 18.11.2023
ԱՄՆ Միջազգային զարգացման գործակալությունը (ԱՄՆ ՄԶԳ, USAID) շարունակում է բազմակողմանի աջակցություն ցուցաբերել Լեռնային Ղարաբաղից տեղահանված անձանց: Հումանիտար աջակցությունից զատ՝ օժանդակելով նրանց աշխատանքային և ձեռնարկատիրական հմտությունների զարգացմանը, Հայաստանի տնտեսական կյանքում նրանց ինտեգրմանը:
Այօր Լեռեային Ղարաբաղից տեղահանված անձանց համար իրականացված` «Ներգնա տուրօպերատորական գործունեություն» խորագրով ձնռներեցության համատեղ ծրագիրն ամփոփվել է ծրագրի մասնակիցներին վկայականների շնորհման հանդիսավոր արարողությամբ։ Այդ մասին հայտնում է Step1.am-ի թղթակիցը։
Մասնակիցները 27-ն էին` 27-ն էլ Արցախից բռնի տեղահանված։ Ձեռներեցության չորսշաբաթյա ինտենսիվ ծրագիրը կյանքի է կոչվել ԱՄՆ Միջազգային զարգացման գործակալության, «Տնտեսական հիմքեր` հանուն դիմակայուն Հայաստանի» ծրագրի, Տուրիզմի հայկական ֆեդերացիայի, Միասնական սոցիալական ծառայության և «Ափգրեյդ Արմենիա» նախաձեռնության համագործակցության արդյունքում:
Ծրագրի նպատակն է աջակցել Արցախից տեղահանված երիտասարդներին՝ ձեռք բերելու անհրաժեշտ գիտելիք և հմտություններ՝ Հայաստանի զբոսաշրջության ոլորտում աշխատանքի և ձեռնարկատիրական հնարավորությունների բացահայտման համար։
“Մենք ցավակցում ենք բոլոր այն մարդկաց, ովքեր բռնի տեղահանված են Լեռնային Ղարաբաղից։ Նրանց համար շատ դժվար է նոր կյանք սսկել և իհարկե մենք ուզում էինք որևէ բանով օգտակար լինել, նաև օգնել նրանց ավելի հարմար կյանքով ապրել, ապաստան գտնել և աշխատանքի հնարավորություններ ունենալ։ Մենք ունենք մի քանի ծրագիր, որոնք Հայաստանի տնտեսական ոլորտի հետ են համագործակցում և մենք ուզում էինք օգտագործել այդ տնտեսական ծրագրերը որպեսզի ներկայացնենք, թե ինչ հնարավորություններ ու ծրագրեր կան այն մարդկանց համար, ովքեր նոր են ժամանել։ Այդ ծրագրի նպատակը, որը մենք այսօր անցկացնում ենք Լեռնային Ղարաբաղից տեղահանված անձանց` ներկայացնելն է առկա հնարավորություննեը, որպեսզի նրանք կարողանան կողմնորոշվել, ընտրություն անել, թե որ ուղղությունից են ցանկանում օգտվել։ Ես խոսակցություններ եմ ունեցել բազմաթիվ տեղահանված անձանց հետ, տեսել եմ, թե որքան նպատակասլաց, տոկուն և ստեղծարար են նրանք և նրանք կարող են որոշել` աշխատել իրենց մասնագիտությամբ, թե ընտրել նորը”,- լրրգրողների հետ զրույցում ասաց ԱՄՆ ՄԶԳ հայաստանյան առաքելության տնօրեն Ջոն Ալլելոն։
Արցախից տեղահանված անձանց ձեռնարկատիրական հմտությունների զարգացմանը աջակցելու ուղղությամբ ԱՄՆ ՄԶԳ «Տնտեսական հիմքեր՝ հանուն դիմակայուն Հայաստանի” ծրագրի հաջորդ նախաձեռնությունը կլինի աքսելերացիոն ծրագրի մեկնարկը, որի արդյունքում մասնակիցները հնարավորություն կստանան կանքի կոչել զբոսաշրջության ոլորտում իրենց նորարարական բիզնես գաղափարները։
