Արցախի «Ազգային հերոսի» եւ «Մարտական խաչի» կոչումով անձինք կարգավորումից դո՞ւրս են մնում

ԱԺ արտահերթ նիստում «Հայաստան» խմբակցության պատգամավոր Արծվիկ Մինասյանը հայտարարեց, որ կառավարությունն առանց նախօրոք քննարկման մեկ օրվա ընթացքում ԱԺ քննարկմանն է ներկայացրել «Զինվորական ծառայության եւ զինծառայողի կարգավիճակի մասին» օրենքում փոփոխություններ կատարելու նախագիծը, որն այսօր արդեն պետք է քվեարկվի։

Նշենք, որ նախագիծը վերաբերում է Արցախի Հանրապետությունում ծառայություն անցած զինծառայողներին պատվովճարներ տրամադրելուն։ «Առաջին հայացքից թվում է, որ շատ լավ է, որ բոլոր պատվովճարների մասով կարգավորում կա, բայց սկզբունքային հարցը հետեւյալն է՝ Արցախի Հանրապետության «Ազգային հերոսի» եւ «Մարտական խաչի» կոչումով պարգեւատրված անձինք այս կարգավորումից դուրս են մնում՝ ի տարբերություն մարտական գործողություններին մասնակցած, Արցախում ծառայած մեր հայրենակիցների։ Սա լուրջ խնդիր է, այս նախաձեռնությունն այս տեսքով բերելուց առաջ նախապես գոնե պետք է քննարկումներ անցկացվեցին ու լուծումներ առաջարկվեին»,- ասաց Արծվիկ Մինասյանը։