Լքված Արցախում բացվել է ռուս խաղաղապահների հուշարձանը

«Լեռնային Ղարաբաղում ռուսական խաղաղապահ կոնտինգենտի տեղակայման տարածքում 2023 թվականի սեպտեմբերի 20-ին զոհված ռուս խաղաղապահների պատվին հուշարձան է բացվել»,- ասված է ՌԴ պաշտպանության նախարարության հաղորդագրության մեջ։

Ռուսաստանի պաշտպանության նախարարությունը սեպտեմբերի 20-ին հայտնել է, որ «Լեռնային Ղարաբաղի Ջանյաթաղ գյուղի տարածքում ռուս խաղաղապահներով մեքենան կրակի է ենթարկվել, զինվորականներ են զոհվել»։

Հիշեցնենք, որ Արցախում ռուս խաղաղապահների ուղիղ մասնակցությամբ սեպտեմբերի 19-20-ին տեղի ունեցած մարտերի ընթացքում զոհվել է ավելի քան 200 հայ զինվոր, 18 խաղաղ բնակիչ, որոնցից 6-ը երեխաներ են եղել, ևս 300 մարդ զոհվել է վառելիքի պայթյունի հետևանքով։ Ավելի քան 100 հազար մարդ լքել է իր տունը ցեղասպանության և էթնիկ զտումների ֆոնին։ Այն, ինչ ռուսական զորքերը չկարողացան անել 1990-ականների սկզբին «Օղակ» գործողության ժամանակ, իրականացվեց 30 տարի անց:

«Խաղաղապահները» մինչ օրս մնում են Արցախում, ավելին՝ Ակնայի ռուս-թուրքական հետախուզական կենտրոնը գործում է անխափան։ Ըստ երևույթին, սա էր «խաղաղապահության» նպատակը։