Ստեփանակերտյան AL Topshop-ը Երեւանում․ երկուսը մեկի մեջ
- 21:11 25.11.2023
2013 թվականին Ստեփանակերտում բացվել էր Տոնյան ընտանիքի «AL Topshop» հագուստի խանութը, իսկ 2022-ին ընտանիքի զավակ Լուսինեն իր ուժերով բացել էր տպագրական նվերների «Luan Gifts»-ը։ Կարճ ժամանակահատվածում կարողացան գրավել Արցախի շուկան և դառնալ ոլորտի առաջատարներից։
Սակայն ինչպես մյուս 120.000 քաղաքացու, այնպես էլ Տոնյանների նախկին կյանքը ընդհատվեց 2023 թվականի սեպտեմբերի 19-ին։
«Խանութները ապրանքով լցված մնացին Ստեփանակերտում։ Նույնիսկ սեպտեմբերի 19-ից հետո խանութի դուռը չբացեցինք, ամեն ինչ մնաց սյնտեղ, բացի իմ խանութից վերցրած մի qանի հուշանվերվերի և սարքերի։ Խանութս մինչև պատերազմը լցրել էի գինով, պատրաստվում էինք մարտի 8-ին։ 1 միլիոն դրամի մենակ գինի մնաց այնտեղ»,- ասում է Լուսինեն։
10 տարի անց Երևանի Վաղարշյան 18 հասցեյում որոշեցին վերաբացել խանութները, սակայն 2-ը մեկում։ Խանութի հիմնական մասում կցուցադրվի հագուստ, իսկ հետևի մասում Լուսինեի աշխատանքային անկյունն է։
Դժգոհ են տարածքի վարձակալության բարձր գներից։ Ստեփանակերտում վճարվող 100.000 դրամի փոխարեն 500.000 են վճարում, բայց այլընտրանք չունեն։
Հայկ Հարությունյան
