Հայաստանի դպրոցներում արցախցի երեխաների նկատմամբ բուլինգի մասին
- 11:21 27.11.2023
Արցախցի երեխաների նկատմամբ բուլինգի (ուժի, հարկադրանքի, վիրավորական ծաղրի կամ սպառնալիքի կիրառում, վիրավորելու նպատակով, ագրեսիվ գերիշխանության կամ ահաբեկման նպատակով) պատճառներից մեկը պետության քաղաքական դիրքորոշումն է և Հայաստանի քաղաքացիների ընտանիքներում հաստատված համապատասխան կարծրատիպերը։ Sputnik Армения-ի հետ զրույցում այս տեսակետը ներկայացրեց իրավապաշտպան, Հայաստանի նախկին օմբուդսմեն Լարիսա Ալավերդյանը։
Նոյեմբերի 23-ին կառավարության նիստի ժամանակ նշվել է, որ Հայաստանի դպրոցներում նկատվում են բուլինգի դրսեւորումներ Արցախից տեղահանված երեխաների նկատմամբ։ Հարցը բարձրացրել է երեխաներից մեկը, ով հրավիրվել էր մասնակցելու կառավարության նիստին (1989թ. նոյեմբերի 20-ին ՄԱԿ-ի Երեխաների իրավունքների կոնվենցիայի ընդունման տարեդարձի կապակցությամբ): Կրթության և գիտության նախարարության ղեկավար Ժաննա Անդրեասյանն ի պատասխան չբացառեց, որ դպրոցներում կարող են բուլինգի դեպքեր լինել, և որ նման դեպքերը շատ դժվար է բացահայտել։
«Պետք է հասկանալ. առաջին հերթին մենք գործ ունենք ժամանակակից ցեղասպանությունը վերապրած մեր հայրենակիցների հետ»,- ասաց Ալավերդյանը։ Իրավապաշտպանն ընդգծեց, որ եթե վերը նշված հանգամանքները հայ դպրոցականների մոտ որևէ դրական վերաբերմունք և բարոյական համակրանք չեն առաջացնում, ապա դա վկայում է խորքային խնդրի առկայության մասին։