Ռուսաստանը Ասիայից ավելի քան 100 հազար միգրանտ է «վերաբնակեցրել» օկուպացված տարածքներ. Հերթն Արցախինն է
- 11:28 30.11.2023
Միգրանտների զանգվածային ներմուծումը օկուպացված տարածքներ արդեն իսկ հանգեցրել է էթնիկ հանցավոր խմբերի ստեղծմանը։
Ռուս զավթիչները փորձում են փոխել Ուկրաինայի ժամանակավոր օկուպացված տարածքների բնակչության ժողովրդագրական կազմը։ Թշնամին զանգվածաբար այնտեղ է բերում Կենտրոնական Ասիայից գաղթականներ։
Այս մասին հայտնում է Ազգային դիմադրության կենտրոնը։ Նշվում է, որ Ուկրաինայի օկուպացված տարածքներում նման միգրանտների ընդհանուր թիվն արդեն գերազանցել է 100 հազարը։
Ռուսաստանի կողմից «վերաբնակեցված» միջինասիացիների մեծ մասն աշխատում է շինհրապարակներում։ Հետագայում ռուսները նախատեսում են մոբիլիզացնել նրանց քաղաքացիության դիմաց։
«Միգրանտների նման զանգվածային մուտքն արդեն իսկ հրահրել է հանցավոր իրավիճակի վատթարացում և հանգեցրել էթնիկ հանցավոր խմբերի ստեղծմանը։ Կազմակերպված հանցավոր խմբերի օգնությամբ ռուսները փորձում են բարելավել իրենց չպատկանող տարածաշրջանի վերահսկողությունը»,- նշել են Ազգային դիմադրության կենտրոնից։
Հայաստանում շատերն են հարցնում, թե ով կվերաբնակեցվի Արցախում, եթե Բաքուն լիակատար վերահսկողություն ստանա արցախցիների անշարժ գույքի և սեփականության նկատմամբ։ Ռուսաստանը օրինակ է ցույց տալիս։