Արցախի ներկայացուցիչներին թույլ չեն տվել մասնակցել ՄԱԿ-ի փախստականների ֆորումին
- 20:53 13.12.2023
Ժնևում ընթանում է ՄԱԿ-ի Փախստականների միջազգային ֆորումը։ Մեր տեղեկություններով, համաժողովին պետք է մասնակցեին նաեւ Արցախի հասարակական կազմակերպությունների ներկայացուցիչներ։ Սակայն վերջին պահին նրանց մերժել են վիզա տրամադրել։
Արցախի Հանրապետության Հադրութ քաղաքի քաղաքապետ Վահան Սավադյանը հայտնել է, որ դեկտեմբերի 11-ին դեսպանատունը մերժել է իրեն վիզա տրամադրել։ Նրա տեղեկացմամբ՝ համաժողովին մասնակցող հայկական պատվիրակության մեջ Արցախի ներկայացուցիչներ չկան։
«Չեմ կարող ասել, թե ինչ պատճառով են ինձ մերժել։ Չեմ կարող ասել նաև՝ որոշումը քաղաքակա՞ն, թե՞ այլ պատճառներով է կայացվել։ Դեռ ոչինչ պարզ չէ։ Հայաստանի ԱԳՆ-ն նույնպես որեւէ պարզաբանում չի տվել։ Բայց այս ամենը շատ տարօրինակ է: Նկատի ունենալով, որ ուղևորությունը գործնական է՝ նպատակ ուներ աշխարհին ներկայացնել փախստականների, այդ թվում՝ իրավական խնդիրները, սա ավելի տարօրինակ է թվում»։
Ալվարդ Գրիգորյան